Husein Muhammed
Di zimannasiyê de mebest ji metafonî guherîna dengekî yan çend dengan bi dengekî yan çend dengên din e. Em ê di vê nivîsarê de li ser metafoniyê di rêzimana kurdî de rawestin.
Metafonî di çemandina navdêran de
Di rêzimannameyên kurmancî de gelek caran behsa guherîna A yan E bi Ê tê kirin:
– bajar > li bajêr
– hesp > bi hêsp
Ev diyarde di çemandina (tewandina) navdêrên nêr yên diyar de aşkera dibe. Ew di her devoka kurmancî de nemaye: di devokên navendî de berbelav e lê di devokên rojhilatî de wisa dixuye ku peyda nabe. Lê em ê derengtir diyar bikin ku hin şûn û şopên wê di devokên rojhilatî de jî mane.
Zimannas 