Bo giyanê pak yê şehîd Dr. Silêman
Tu ji dûr hatî,
te dest ji mal û milkê xwe berda,
te kar û jiyara xwe ya li biyanistanê hiştin.
Tu ji dûr hatî,
te guh neda sinorên dagirkeran danayî,
te guh neda tixûbên derûnî
yên hizb û partiyan di navbera kurdan çandî.
Tu ji dûr hatî,
te dest da birayên xwe,
te ew ji dirindeyan xilas kirin,
te bi sedan ji wan
ji mirinê rizgar kirin.
Tu ji dûr hatî,
te şarezatiya xwe pêşkêş kir
û di wê rê de te canê xwe da
lê bi wê te xwe
di dilê gelê xwe de kir nemir.
Husein Muhammed, 3.11.2016
Zimannas 